KUR HESHT ZËRI I ARBËRIT

Poezi nga Haxhi Muhaxheri

Kur hesht Zëri i Arbërit
Dëgjoj veç krrokama
E shurdhër më bëhet bota
Dhe ëndërrat më treten

O Zot
Qiellit fluturojnë sorrëzezat
E dritën duan ta vërbojnë

Kur hesht Zëri i Arbërit
Trazohen edhe valët e detit
Qajnë yjet Lisat Plisat
E dielli e humb ngrohtësinë

Bobo
Tevona zgjohen Orët e Liga
E qoftëlargu heq valle

03. 09. 2015 - 22:00 h